KOHHRAN CHANCHIN

LIKBK Horeb Tualchhung Kohhran, New Vengpui, Lawngtlai  hi Dt. 20.02.1975 khan IKK Lawngtlai Bazar tih hming pu a din ni in Lawngtlai a Kohhran ding hmasa pawl a ni. 

IKK leh LBK te an lo inpumkhat khan IKK Bazar tih chu IKKL ti a thlak ve nghal a ni a, tin Kohhran hming tih danglam alo nih avang te, Biak In awmna VC Area alo danglam tak avangin tuna a hming LIKBK Horeb Tualchhung Kohhran, New Vengpui, Lawngtlai tih hi alo pu ta a ni.

LIKBK Horeb Tualchhung Kohhran hi Pathian in mal a sawm a, member tam tak nilo mah ila he kohhran atang hian Kohhran hruaitu pawimawh tak tak Pastor leh Assembly Hruaitute pawh anlo chhuak ve nual tawh a, tin, Ram leh Khawtlang hruaina thleng a chanvo pawimawh tak tak chelh te pawh an awm bawk.

LIKBK HOREB DINCHHOH ANIH DAN 

By Upa Zahranga

IKK Kohhran din thu

Date 23.05.1970 ah Bualpui NG ah IKK alo ding, chumi kal zel ah 18.05.1974 ah IKK Lawngtlai III ah Tirhkoh V Thanhleia hmanga, a din hnu ah IKK Lawngtlai Bazar ah Ni 20.02.1975(Thursday @ 7:00 Pm) ah alo ding ta ani.

IKK Lawngtlai a, a din hma boruak.

Rambuai avanga khaw khawm Mampui, Thingkah leh Chawnhu khua te chu boruak alo muanawm tak a, mahni khaw hlui a, an kir leh hnuin, Mampui khaw chhuak In 30 bawrvel Upa  C Lianvunga ho a, Lawngtlai III a, chambang te chuan, grouping a an awm lai a, Biakin tun a (LIKBK Lawngtlai III) luah laia, Kohhran hrang a, awm chhunzawm an duh a, chu chu khaw hlui (Mampui) a let ho ten, Mampui hminga Kohhran dina, Lawngtlai a awm hlen chu rem an ti lova a chhanchu, Kohhran leh Khawtlang enkawlna ah, Mampui khawhlui chan a chang anga,khawhlui (Mampui) in harsatna a tawk ang tih hlauvin an phal lova, chu chu BCM Lawngtlai a thuneitute hnen ah thlen in Mampui Lawngtlai IIIachambangte chu BCM Bazar a lawi tur in atia, HeihiRev VL Zawnga Bial In-Charge anih lai ani.

     Lungawi vak lova MampuiLawngtlai III a awmte chu BCM Bazar ah rei vak lo an awm ta a,hetih lai tak hi, IKK Tirhkoh V Thanhleia(L) ( a hnua Pastor atana Ordained nita) ho in, Mampui Khawchhuak, khaw hlui a kir remchang lo ho chuIKK ah Tirhkoh V Thanhleia chuana lawmlut ta a,chu chu Rev VL Zawnga ho in Curfew hnuaiah Upa C. Lianvunga hnaivai Lawngtlai IV lam min BCM upa ten zanriak in IKK a awm lovin, BCM ah leh a, BCM Bazar a awm lovin, BCM Mampui hminga Lawngtlai III  Kohran din an rem ti a,Upa C Lianvunga ho in a zatve zet BCM ah an let leh a, azatve Upa C Ngunluaia (L), Upa F Hramchema (L) Upa Rualkhuma (L) te ho erawh chu BCM ah kir duh lovin, IKK Lawngtlai III kalpui zelin tun thlengin Kohhran alo ding ta ani.

     Chutia Lawngtlai III ah IKK alo din tak chuan IKK Bualpui (NG) Headquarters chuan IKK Lawngtlai III leh Tuiuthumhnar lam enkawl tur in, Rev B Hainuaia(L) Lawngtlai ah an rawn dah a,Upa H Lianmanga (L) in ah a thlenga, Upa RK Thankhuma(L) nen kan va kawm a, IKK chu Hnam leh Ram, Kohhran , Pathian in tumah a awp bet lova,mahni hnam pual a, Pathian nung bia a, Kohhrandin a tul thu kan ngaithla a, chumi ti hlawhtling tur chuan IKK Headquarters Bualpui (NG) ah a ding ani tih hriat ania, chu chuan rilru chhungril ah thuk takin hmun a luah a, ti chuan a thei angang in rawn khawm in IKK Lawngtlai Bazar(tun a LIKBK Horeb New Vengpui Lawngtlai) chu Date 20.02.1975 Thursday @ 7:00Pm ah alo ding ta ani.

     IKK, Bazar ah, din tul a hriatna a awm a, hetih lai hian BCM Kohhran tih loh Kohhran dang Bazar ah a awm lova, BCM Hotuten IKK a ding anih chuan chhiatni Thatni ah ‘EN SAN’ in ni ang an tia, chu chu pawisa lovin dt 20.02.1975 Thursday @ 7:00Pm ah Upa RK Thankhuma In ah IKK chu a ding ta a, (OB leh thil tuldang phek hmasa a tarlan ang khian)

     Kohhran alo din tak ah chuan Preaching List kan siamnghal a, secretary chuan an sawi apiang ka lo record zel a, Nang kha! An tia, e kei chu thu ka sawi thiam lovang ka tia, Secretary chu rawngbawltu nih angai alawm an tih avangin Preaching List ah chuan min dah ve a, Biakin a awm rih lova, Upa H Thanghluna In ah kan inkhawm a, Dar vuak alo tul, Dar kan nei silova, Bawngtuthlawh Buara hruiin ka khaia, pawn a chhuahpui lovin tukverh ah khaichhuakin Council Veng lam hawiin vawi li nga vel ka vua a, Dar vaw hmasa ber ka ni.

     Ka hun alo chhuak Pulpit awm hek lo, Dawhkan te, Khup thleng vel a sang leh Chair kan hung a,chuta thusawi chu a na mai lo. Alangtlang vek sia, kaiza a khur hlawk hlawk mai. Kohhran alo din tak ah chuan Pastor in Sacrament sem angai atia, Anthur sen kan chhum a,chini tlem in kan ti thlum a, Biscuit nensipai Nopui ah fian bial lian tak kan dah a, kan in hawp chhawk a, a nawi thinfai ngamni heklo, a hawp/ in apiangin anawi pawhawm se Nopui ah kan chiah zel a, chutihlai tak chuanPi Mencheri(L)(ZirkungaNu) Rev B. Hainuaia thiannu khan minlo melha, aruk in thiante hriatloh ah kan nui a, a hreawm duh khawp mai.

     Kohhran adin atanga rei vaklo, thla khat te chu nita in ka hria,Pu C Thangthiama fanu naupang a thitaa, ruang chu thlanmual ah Vantlang kal tlangin dah ania,Kohhran din dawn a min enkawltu BCM ten chhiatni & thatni ah ensan an tih kha hrerengin, Pai em hmeichhe hnam in ka ak a,Upa RK Thankhuma’n min zui a, Pi Ngunthaii tual ah Upa FL John(L) an min hmu a,engnge in tih dawn? Min tia,buhfai leh thing kan khawn dawn ka tia, Kir/haw rawh u, Nula leh tlangval in khawn rawh se atia, engemaw chen an khawn hnuah Upa thenkhat in khawn suh u,thuawi lova chhuak an nia, an tih avangin khawn chhuak lovin an tawp taa, chu chu Pu F Lalramliana(L) ex-MLA(Kha tih lai khan YLA a awm rih lova YMA Presidnt ni mai in ka hria) alo hria a, a tuk mai ah Lawngtlai Town chhung a Kohhran hrang hrang Chairman leh Secretary , Pastor leh Bazar VCP Pu NcSangianga (L) te Upa CS Kapliana Secretary te  an in ah min kova, kan sawi ho taa, BCM Bazar in” Thalai in min tlin lovaKohhran in a take-up ani mai” an tia, chutah Upa FL John-a(L) alo dinga, “englai in nge thalai in kan tlin loh a, Upa leh Rawngbawltu ten buhfai leh thing in khawn” a rawn tia, Pu NC Sangianga(L)VCP in “engvanginnge hetiang thil a Kohhran in hma in lak, VCP ka nihna angina Bazar Area ah Kohhran in hma in la tur anilo.hetiang hi chu Khawtlang thil ania, VC ten kan hma ang” a rawn ti ve a, Zing kar a tih fel theih anih lohavangin kalkhawm ten Rev VL Zawnga hi Kohhran lian ber Pastor ania, ani in mawh phur se, ahma lam in Joint Meeting ah I sawi ho ang u tiin kan tin ta a, BCM Bookroom tun a Bazar BCM biakin kawt nita ah hianMeeting a kova, Joint Meeting thu passed angin, vawiin thlengin VC Area anga kan in enkawl ang hian kan kal ta ani.

     Inkhawm ve zel chu angai ta sia, Khuang kannei silova,Upa Rualkhuma (L) (Zairemthangi LOP a thawk pa in) Khuang min present a,he khuang hi IKK Kohhran ah pawhalo thawh tawh a, Committee a a lungawi lovin ka bang e atia, a in lam a, a hawn ngei kha ani. Tin, Khuangte Pu Khangmanga(L) Lawngtlai I Upa H Thanghluna(L) pa in zu hmun a, an vuak thin min Pressent bawk a, Inkhawm na ah Khuang ben tur kannei ve ta ani.

     Upa H Thaghluna in ah rei tak kan inkhawm hnuah Date 08.01.1977 atangin kan kan in ah kan in sawn chho ta a, a buaithlak thei khawp mai.

     Biakin sak kan rel a, Upa Cheuhleia(L) leh Pu F Chhannawla’n Lakher khawmual, Bazar Thlanmual piah ah Chhawntual tuai pathum veve an va pu a, a kawi si, kan tual, tun a Lalneihkhuma EM LADC in sakna lai hmun hi, kha tihlai khan Pu J Vanlalchhawna(L) High School Zirtirtu in hmun ania, chutah chuan sak kan tum a, kan sak hma in, Pu C Lianupa RO LADC khan tun a, kan biakin hmun hi Rs 60/- velin chhaklam unaute a laih tir vek kha IKK Lawngtlai bial ah a thlawnin a rawn pe ta a, a hminga bial hruaitute lo nita chuan BEC ah IKK Bazar Kohhran tan kan dil a, tichuan Biakin hmun laih sa chu kan nei ta ani. Chhawntual ban phun chu rem thei in ka hre lova Thingzei ban 12X5 bial 6 (Paruk) ka lei a, kan phun ta a, a chung atan Tuipui Ferry chung Samak mual ah khuan Upa Cheuhleia(L), Pu F chhannawla leh Pi Siammawii (Partei Nu) ten Di an sat a, Member kan tlem sia, kan phur thei lova, IKK Lawngtlai I (Tuna Bethesda Kohhran) hi kan pun a, Zing Chawei hmain min phurh sak a kan lawm takzet ani.

     Tichuan a chung chih alo hun a, Rbt Mangvunga (L) (Bulldozer-a an tih mai) Pa lian tak kha PHE Office lam site a Di chih a, tan a han la chu khum thum Mau tiat, Hnahkhar tuai Inchhun a ni bawk a, a chuan chim ang tih ka hlau a, Kapu, engpawh nisela lo chhuk mai teh tiin, thahnem ngai ber a ni sia, ka han  ngiahtuah hian lung ava leng tak e aw…. A chung chih kan zova, Mau bang ka chhawng a, a var sia, Nunau ngaihtuah in chhak lam PHE Office lam han luh a, vei lam ah nunau kan thuttir a, tun a thutna kan thlak pawh hi ngaihtuahtu tan chuan lunglenthlak tak ani. Fur alo nia, chhak lam ah tui a tlinga ,zan inkhawm laiin Dawngthlek rual an han hram a,Thlek, thlek, thlek… an han ti chu, Pi Mencheri(L)(Zirkungi Nu nen kan in en a, ri miah lovin, za takin kan nui a, a hahthlak lutuk. Kawngka chhak (tun a, Sound System dahna zawn) ah Naupang pawlin Thingfak an dahkhawm kar a Rul lo tawm kan hmu chu ngaihtuah atam duh khawp mai.

     Kan Biakin chu A dung 30Ft ania, Avang 18.7Ft, Asan zawng 12Ft a ni. Kawngkapui Pakhat leh Tukverh Pali, Thlang lam leh chhaklam ah pahnih veve ani. Biakin kan luah hnu ah Upa F Kapthianga(L) Lawngtlai College veng ami in Dar min Present a,Dar awm dan chu__________ hetiang hi ani. Heihi Chawngtlang khua Mampui khawper awmlai a, Kohhran Daran chhawm 1945 a Mampui ram a Thlawhtheihna tla atanga an lak, ri tha deuh ani. Di chungleh Mau bang ringawt chu tiin, Kawlchaw- Tawngkawlawng PWD in a laih laiin A/R below SOR in kan chhang a, kan hmu mial a, thawktu kan awm si lova, Vengpui Kan Kohhran Thalai Group pakhat kan pe a, min thawhsak a, chu chuan Rangva kan lei a, Biakin chung chu kan thlak ta ani. Hun lo kal zel ah Upa F Sangdawna te Lawngtlai ah lo awm in, (Let leh lawk ang, Biakin kan nei thutthleng  5/6 vel Pulpit kan nei lo,Pu F Chhannawla ho in, Khurpui Mawng(Khuai hnuai ) ah Thingzai phaw kan zuk pu a, Chempui hmangin Pulpit chu kan remkhawm a, chawlhni tuk ah Rbt Mangvunga (L) arawn  ding chhuak a,a chim ang tih a hlauhawm duh khawp mai, chutihrualin, aw sin tak in a Bible han chhiar Mathai a han ti sin zet chu nuih za viau mahse Biakin a ni si, in sum har tak ani.

     Pu TC Lalkunga Kohhran ah alo lut ve a, Biakin 45x30x14 a zau kan sa leh a, a chung Rangva kan khuh a, Thawhtan ni ah kan thiat a, chawllovin kan sa a, char lam Tarpoulin kan zar a,, chawlhni ah bang lovin kan inkhawm a, Upa RK Thankhuma’n Biakin Thiat a, Kohhran engtia senghawi nge intum? Min tih phah. Thalai tlem azawng an lo awm ve tak ah chuan Upa F Sangdawna’n Thalai ten Mau pu se, abang atan atia, Pu TC Lalkungan duh lovin  in pahnih in kal ula, Pu L Cheuluaia dawr ah Tile va ba rawh u atia, Cheng khat pawh Kohhran in a nei silova, hreh takin kan kal a, rin loh takin, Pu L Cheuluaia chuan Bat chu min phal sak a, Upa F Sangdawna mangang lutuk in, chumi thleng Kohhran in aba anga, a pe theilo anih chuan ka mimal ba ni rawh se, tih a tiam ta mai, mak hi ka ti lutuk a, Tile bang chu kan chhawng ta a, Tukverh Paruk thlang leh chhak ah Pathum veve, Tukverh Frame kan nei leh lo, Upa T Tialvunga(CEM Kungtea Pa) College veng in Frame Pathum min Present a, Pu H Vanlalthanga(L) JE PWD in Pakhat , Kohhran in Pahnih(Pu thanga hi SDO/PWD ah Promotion) Darthlalang 48 angai, Lawngtlai Dawr ah a awm lo, PWD Godown ah Pu Thanga’n Min hman tir a, a hnu ah kan rul, tichuan Kawngka pui 2 nei Biakin kan nei ve ta a,Pi B Sungcheri hnen ahPathian hnathawh thlengin Pulpit siam a rawn dil a, remtih a nia, Pulpit tha tak kan nei a, Tun a kan hman lai awm hnu a, Tuipui Ferry Kohhran Dingthar Dawhkan (Steel) Upa F Sagdawna ten an pek nen kan in dan ve chhawng. Tichuan tun (kum 2023) a Kan biakin hmanlai hi kan nei ta a ni.

     Kohhran kan nih leh tun hun inkar ah hian thunawi sawi tur tamtak a awm a,Vawikhat kan Committeee chu Upa H Thanghluna’n Chair la in min kaihruai a,Upa RK Thankhuma lehRbt F. Chhannawla te Agenda Pakhat ah an in dinchhawk, thu a tawp thei lo, Chairman in “e Min hmusit a ni ka bang” ati ta mai Committee khar lova ban a rem silo, Upa F Sangdawna nen kan mangang lutuk, engpawh nise Meeting khar la bang mai rawh kan tia, a tlawmngai a meeting min khar sak.