Kohhran inenkawlna Dan : Biak In Enkawl

Kohhran Member dan Puitling a innei te chu, Inneih lawmpuina thilpek Holy Bible pek thin tur an ni ang.

Kohhran Member dan puitling a, kan Biakin a innei te chu, Thingpui /Ruai Biakin ah siam an duh chuan an siam thei ang, Biakin ah Ran talh loh tur a ni.

Mo lawi hun a hunserh hmang tur in, Bialtu Kohhran Upa ni thin se.

Biakin chei hi chhungkaw lam mawhphurhna ania, uchuak taka chei tur anilo.  Stage chin (meeting chairman leh Pulpit) phei chu chei danglam phal a nilo.

Biakin Chhung Property te Kohhran Hriatpuina tellovin khawih danglam phal a ni lo.

Biakin Compound fai taka Thlawhfai thin tur ani

Inkhawm apiangin Biakin hawn leh khar bak ah Tukverh te hawng in a khar thin ang.

Biakin chhung leh Bath room tihfai, Thutthleng, Pulpit leh Dawhkan te leh Tukverh darthlalang te a hrufai thin ang.

Dar a hun tak ah a vaw thin ang.

Inkhawm apiang in Pulpit ah Tui thianghlim adah thin ang.

Chabi zawng zawng a kawl ang a, Kohhran Property felfai tak a vawng in, register ah a chhinchhiah vek anga, Hawh chhuah felfai takin a chhinchhiah thin ang.

Kohhran Property reng reng an hawh laia, a bo emaw a chhia emaw anih chuan a hawh tu in a rul anga, chutiang ang nilova, a bo anih chuan Chowkider in mawh a phur ang.

Generator a enkawl anga, Current a thim a, buai lo tur in Switch on sa in adah thin ang.

Tui Bill leh Electric bill a hun tak ape thin anga, Diesel a awm loh in ala thin ang.

Kohhran Hruaitu thuhrilh reng reng a ngai pawimawh tur ani.

Heng bak ah hian Kohhran Committee in, tihtur leh thawhtur a hrilh te, a thawk thin ang.

A mawhphurhna kenkawh chungchang ah harsatna atawk anih chuan, Chairman leh Secretary hnen ah a thlen thin ang. 

Tualchhung Kohhran Committee in Biakin enkawltu neih tul a, a hriat chuan Biakin Enkawltu (Chowckider) post a siam ang.

Biakin Enkawltu term chu kum 2 ( January to January) ani ang.

Biakin enkwltu hna hi Advertisement felfai tak a chhuah ani anga, Diltu zing atangin Kohhran Committee in appointment ati chhuak thin ang.

Kohhran Committee in tul a hriat chuan Advertisement ti chhuak kher lovin, a ngai pawh, an in huam dan azir in rawih nawn theih an ni ang.

Kohhran in mawhphurhna apek a ti hlawhtling theilo emaw, harsatna dang emaw, Kohhran mit kham zawng a, an khawsak chuan an chungchang Committee in angaihtuah sak ang.

Hlawh (Monthly Salary) hi Rs 5,000/- ani anga, Kohhran Committee in kan hun tawn dan azir in a ti pung in, a ti hniam thin ang. Heng bak ah kan hun tawn dan azir in Allowance a siamsak thei ang.

Biakin enkawltu(Chowckider) hna chu Rinna a Mi puitling an ni tur ania, Kohhran Upa leh Rawngbawltu tan dil theih ani lovang.