Kohhran inenkawlna Dan : Property Sub Committee

PROPERTY SUB COMMITTEE TIH TUR LEH THUNEIHNA

DIN CHHAN 

Lairam Isua Krista Baptist Kohhran Horeb Local Church bungrua neih ang ang te enkawl tur in he Sub-Committee hi din a ni.

HRUAITU TE 

Property Sub-Committee hruaitu (Office Bearers) te chu Chairman, Vice Chairman, Secretary, Asst. Secretary, Fin. Secretary, Treasurer te an ni ang.

HRUAITU NIH HUN CHHUNG 

Hruaitu (Office Bearers) nih hun chhung chu kum 2 a ni ang. Hruaitu a nihna ngai ah a zawn a Term 2 a chelh tawh chuan a post ngai ah thlan nawn theih a ni lovang.

HRUAITU THLAN DAN 

Property Sub-Committee Hruaitu(Office Bearers) te chu Tualchhung Kohhran Committee in a thlang thin ang.

COMMITTEE MEETING KOH HUN 

Secretary in Chairman rawn in Committee a ko thin ang. Kum khat ah vawi 3 aia tlem lo Committee/Meeting hi neih tur a ni.

MEMBER TE :

1. Member ni sa (Ex-Officio) te : Tualchhung Kohhran Chairman leh Secretary, Unit Mipa Pawl, Hmeichhe Pawl leh Thalai pawl Secretary te chu thlan ngai lo Member ni sa an ni ang.

2. Thlan Member te : Tualchhung Kohhran rorelna in Committee Member 4 a thlang/ruat thin ang.

3. Member nih hun chhung : Member nih hun chhung chu Kum 2 a ni ang.

THU THEHLUT THEI TE : 

Tualchhung Kohhran, Fellowship Organisation, leh Sub-Committee te an ni ang

 A TIH TUR LEH THUNEIHNA TE :

1. Kohhran in property a neih (Sound and Light, Bungbel etc…. )te a enkawl ang.

2. Kohhran Property neih reng reng record bu ah fel tak in a ziak lut ang a, Property lei ni leh a man zat te nen lam a chhin chhiah ang.

3. Kohhran Property thar lei ngai emaw a hlui hmantlak loh tih ral ngai a awm in ruahmanna a siam anga, Tualchhung Kohhran Committee ah a thlen thin ang.

4. Kohhran Property hawh man (Rate) a siam ang a, hawh chhuah dan record mumal tak in a vawng ang.

5. Tualchhung Kohhran in mawhphurhna a pek a piang ti hlawhtling tur in hma ala ang.

6. Kum khat ah Vawihnih tal Property en fel hna a thawk thin tur a ni.

PROPERTY RULES

1. Kohhran Property hi Tualchhung kohhran Programme (Lungphun, Dan Puitlinga Inneih, Chhiatni & Thatni) ah chuan hawh man a awm lovang.

2. Kohhran Property hawh chhuah a nih in a bo emaw a chhia anih chuan a hawhtu in a rul ang.

3. Kohhran Property reng reng Fellowship Organisation (Thalai/Hmeichhia/Mipa/Naupang Pawl) ten an hmang duh anih chuan Property Committee(Property Secretary) rawn hmasa lovin lakchhuah/hman ngawt theih a ni lo.

4. Property hawh chhuah a nih lain Kohhran chhungkua ah Chhiat tawk kan awm a nih chuan a tul angin an thil hawh tawh te lak let leh theih a ni ang.

5. Property hawh tur chuan Ziakin Dilna a siam anga, a thil hawh tur List fel takin a siam bawk tur a ni. Ziaka Dilna a awm loh chuan hawh chhuah theih a ni lo ang.

6. Property hawhtu ten a hawh man, hawh ni ah pek nghal zel tur a ni ang.

7. Fellowship Organisation-ten a hranpain Property an nei tur a ni lo. Hei hian Fehchhuahna atana musical instrument leh Pawl thil bik flag, laptop & printers, etc., ang chi te a huam lo vang.

PROPERTY HAWH MAN

1. Chaweina Thleng 2- ah   Rs .1 (50paise Per No)

2. Thingpui in na No 2- ah  Rs .1 (50paise Per No)

3. Chawhtawlh 1- Rs 10/-

4. Fianpui (A pawp leh pawp lo)  Rs 10/-

5. Dekchi (A laihawl)   Rs70/-

6. Dekchi Lian 1 Rs 100/-

7. Dekchi te 1- Rs 30/-

8. Bench 1-   Rs 5/- (Chhiatni & Thatni a huam lo ang)

9. Tea Urn 1 – Rs. 30/-

10. Kettle 1- Rs 10

11. Thuk 1- Rs 50

12. Thirbel  1 - Rs 50