Kohhran inenkawlna Dan : Chhiat Ni

(LIKBK Horeb Tualchhung Kohhran hian Chhiat ni a kan inrelbawl dan tur ziak in kan nei a, Heng te hi hriat theuh kan tum dawn nia.)

KOHHRAN UPA, PASTOR & RAWNGBAWLTU 

1. Kohhran Upa leh Rawngbawltu  thi an awm chuan Ruang hi anmahni in lam ah vui tur a ni a, Vuina Hunserh hmanlai in, Ruang bul hnai ah thut hram hram tur a ni.  Coat leh Neck tie nen inthuam vek tur a ni ang. Pastor thi an awm chuan Biak In ah vui tur a ni ang

2. Kohhran Upa, Pastor leh Rawngbawltu thi chu an ruang chungah pangpar dah a ni anga, Kohhran aiawh in a chanchin sawina neih a ni  ang.

3. Ralna chu Kohhran inralna kalphung pangngai a hman tur a ni.

4. Thlalak puina neih tur a ni.

MEMBERS

1. Kohhran Members thi an awm chuan an awmna Fellowship Organisation ten an ruang chunga Pangpar an dah thin chu ringin, a hran pa in Pangpar dahna neih ani lo ang. Kohhran aiawhin an chanchin sawina neih a ni lovang. 

2. Ralna chu Kohhran inralna kalphung pangngai a hman tur a ni.

3. Permanent Member emaw Temporary Member thi an awm in, Ruang chhuak tur anih chuan, ruang chhuah dawn in, Kohhran in Hunserh tawi hman thin tur a ni ang a, an ruang chungah Pangpar dah tur a ni. A tul dan a zir in Ralna sum pawh pek nghal theih a ni ang.

HLAMZUIH

1. Hlamzuih a thi an awm in, Vuina Hunserh Pangngai tak a hman tur ani ang.

2. Eirawng bawlsak an nilo anga,Vuina Hunserh piah lam Programme siam loh tur a ni

3. Hlamzuih chu ni 90 or Thla 3 tlinglo te hi an ni.

EIRAWNGBAWL CHUNGCHANG

1. Mitthi an awm in vawi thum (3) aia tam eirawngbawl loh tur ani.( Heihi Ruang awmdan azira siam rem tur a ni.

2. Chawhmeh siam chungchang ah Hmeichhe pawl in anmahni sum atanga, vawi khat (1) Sa hmeh tir an duh angin phal sak an ni a, a bak piahlam chu Kohhran sum atanga Sa lei loh tur a ni.

3. Permanent/Temporary Member thi an awm a, Ruang chhuak tur anih chuan ruang awmdan azirin, eirawng bawl sak/Thingpui lum sak tur an ni ang.

4. Khual khua a thi, Kan Kohhran Member nilo pawh kan Kohhran Member In ah ruang an rawn chawlhpui anih chuan, ruang rawn thlen dan tur a zirin Thingpui emaw Eirawng bawlsak theih a ni ang.

5. Eirawngbawl hi Hmeichhe Pawl leh Mipa pawl te kut ah dah a ni.

VUINA HUNSERH PROGRAMME HMAN DAN TUR TLANGPUI

1. A vuitu Pastor in Chairman hna a thawk nghal ang.

2. Pangpar dahna : Vuina Hunserh Hman hma in Pangpar, Puan leh Mitthi Chanchin sawina neih thin tur ani. (hei hian Kohhran Upa leh Rawngbawltu a huam lovang) 

3. Thuchah : a vuitu

4. Thlan Tawngtai : Kohhran Upa atanga ruat tur

5. Khawhar Inlen : Hunserh hmang tu tur hi Kohhran Rawngbawltu atanga ruat tur.

6. Thlan nghah : Thlan nghah a Thuchah sawitu hi Kohhran Upa atanga ruat tur ani anga, Programme dang erawh chu Hmeichhe Pawl lam in an siam ang

RALNA PROGRAMME HMAN DAN TUR TLANGPUI

1. Chairman : Kohhran Upa leh Rawngbawltu atanga ruat tur.

2. Bible chhiar & Tawngtai : Chairman

3. Tanna Hla

4. Sunna : 1 minute silent

5. Thlamuanna Tawngtai : Kohhran Upa atanga ruat tur

6. Ralna thilpek : Kohhran rawngbawltu atanga ruattur

7. Thusawi : Chhungkaw lam

8. Thlamuanna Thuchah : Kohhran rawngbawltu atanga ruat tur

9. Tawpna hla : khawhar chhungkaw lam atangin

10. Tawpna : Lalpa Tawngtaina / Boipa thlacamnaak

• Ralna ah hian Kohhran in Rs 5000/- (Tualchhung sum atangin) leh Ralna thawhlawm pek thin tur a ni. 

• Ralna hi Chawlhni hmasa ber ah Khawhar chhungkaw in ah neih thin tur a ni.

MITHHI DAR VUAK DAN TUR

1. Puitling : Vawi-7

2. Naupang : Vawi-5

3. Khual a thi chu a ruang thlen hnu ah chauh Dar vuak tur a ni

4. Kan Kohhran mi nilo emaw Kan Kohhran mi, Kohhran a hming ziak loh an nih chuan Kohhran in a vui tur anih pawh in Mitthi Dar vuak loh tur a ni.

CHHIATNI A KAN MAWHPHURHNA

Kohhran chhungkua a Chhiat kan tawh hian Ruang hi Kohhran ta anih avangin Kohhran Programme ani tih hria in, Thutna kawh hmuh(seat arrangement) te, Khuang vuak te, Hla hril leh sound buaipui chungchang ah te Kohhran tan kan lak atul hle a, a bik tak in, Thutna kawh hmuh hi Kohhran Rawngbawltu in ti thei hram se a duhawm hle ang.

Mitthi lumen ngai an awm in Kohhran Hruaitute (Upa leh Rawngbawltu) zing atangin tlaivar tum hram hram thin ila, heihi veng hrang hrang in min fak ve na ani tih hria in chhawm nun hram hram nise

DAMLO KAN

1. Kohhran Member natna avanga Damdawiin a awm te chu Rs 2000/- a, kan thin an ni ang.  

2. Rescue Centre / Home a awm te chu Damlo in kan dan pangngai Rs 2000/- a kan tur a ni ang.