Kohhran inenkawlna Dan : That Ni

(LIKBK Horeb Tualchhung Kohhran hian That Ni a kan inrelbawl dan tur ziak in kan nei a, Heng te hi hriat theuh kan tum dawn nia.)

KOHHRAN DAN PUITLING A INNEIHNA

1. Kohhran Member dan Puitling a innei te chu, Inneih lawmpuina thilpek Holy Bible (Lai/Mizo) pek thin tur a ni ang.

2. Kohhran Member dan puitling a, kan Biakin a innei te chu, Thingpui /Ruai Biakin ah siam an duh chuan an siam thei ang, Biakin ah Ran talh loh tur a ni.

3. Mo lawi hun a hunserh hmang tur in, Bialtu Kohhran Upa  ni thin se.

4. Biakin chei hi chhungkaw lam mawhphurhna ania, uchuak taka chei tur a nilo.  Stage chin (meeting chairman leh Pulpit) phei chu chei danglam phal a nilo.

5. Biakin Chhung Property te Kohhran Hriatpuina tel lovin khawih danglam phal ani lo.

BIAK IN ENKAWL (CHOWKIDAR) HNA CHANPUAL LEH TIHTUR TE

1. Biakin Compound felfai leh zahawm tak in a enkawl ang.

2. Inkhawm apiangin Biakin hawn leh khar bak ah Tukverh te hawng in a khar thin ang.

3. Biakin chhung leh Bath room tihfai, Thutthleng, Pulpit leh Dawhkan te leh Tukverh darthlalang te a hrufai thin ang.

4. Dar a hun tak ah a vaw thin ang.

5. Inkhawm apiang in Pulpit ah Tui thianghlim adah thin ang.

6. Chabi zawng zawng a kawl ang a, Kohhran Property felfai tak a vawng in, register ah a chhinchhiah vek anga, Hawh chhuah felfai takin a chhinchhiah thin ang.

7. Kohhran Property reng reng an hawh laia, a bo emaw a chhia emaw anih chuan a hawh tu in a rul anga, chutiang ang nilova, a bo anih chuan Chowkider in mawh a phur ang.

8. Generator a enkawl anga, Current a thim a, buai lo tur in Switch on sa in adah thin ang.

9. Tui Bill leh Electric bill a hun tak ape thin anga, Diesel a awm loh in ala thin ang.

10. Kohhran Hruaitu thuhrilh reng reng a ngai pawimawh tur ani.

11. Heng bak ah hian Kohhran Committee in, tihtur leh thawhtur a hrilh te, a thawk thin ang.

12. A mawhphurhna kenkawh chungchang ah harsatna atawk anih chuan, Chairman leh Secretary hnen ah a thlen thin ang.

BIAK IN ENKAWLTU (CHOWKIDAR) HNA TERMS & CONDITION

1. Tualchhung Kohhran Committee in Biakin enkawltu neih tul a, a hriat chuan Biakin Enkawltu (Chowckider) post a siam ang.

2. Biakin Enkawltu term chu kum 2 ( January to January) ani ang.

3. Biakin enkwltu hna hi Advertisement felfai tak a chhuah ani anga, Diltu zing atangin Kohhran Committee in appointment ati chhuak thin ang.

4. Kohhran Committee in tul a hriat chuan Advertisement ti chhuak kher lovin, a ngai pawh, an in huam dan azir in rawih nawn theih an ni ang.

5. Kohhran in mawhphurhna apek a ti hlawhtling theilo emaw, harsatna dang emaw, Kohhran mit kham zawng a, an khawsak chuan an chungchang Committee in angaihtuah sak ang.

6. Hlawh (Monthly Salary) hi Rs 7,500/- a ni anga, Kohhran Committee in kan hun tawn dan azir in a ti pung in, a ti hniam thin ang. Heng bak ah kan hun tawn dan azir in Allowance a siamsak thei ang.

7. Biakin enkawltu(Chowckider) hna chu Rinna a Mi puitling an ni tur a nia, Kohhran Upa leh Rawngbawltu tan dil theih a ni lovang.